Həkim / Koordinator

Namizədlərə olan tələblər:


Şəxsi keyfiyyətlər və bacarıqlar: Müştəri ilə ünsiyyət qurmaq, təhlil etmə, yazılı və şifahi kommunikasiya, komanda işi, intizamlılıq, dəqiqlik, məsuliyyət və məqsədyönümlülük.
Təhsil: Ali Tibbi (stomatologiya istisna olmaqla).
İş təcrübəsi: Tibbi sığorta və ya səhiyyə müəssisələrində ən azı 1 il iş təcrübəsi üstünlükdür.
Dil bilikləri: Azərbaycan dili – tam sərbəst, Rus dili – sərbəst danışa bilmək. İngilis dili: arzuolunandır.
Kompüter bacarıqları: Microsoft Office Word və Excel – sərbəst istifadəçi.


Əsas vəzifə öhdəlikləri:


Sığortalıların müraciətlərini qəbul etmək və ilkin tibbi ekspertiza aparmaq.
Müayinə və müalicəni tibbi proqrama uyğun təşkil etmək.
Sığortalıları müvafiq həkimlərə və ya apteklərə yönləndirmək.
Təcili və planlı tibbi yardımın koordinasiyasını həyata keçirmək.
Sığortalıların müraciət və nəticələrinin uçotunu aparmaq və hesabatlar tərtib etmək.
Müştərilərə tibbi sığorta xidmətləri haqqında ətraflı məlumat vermək və müştəri məmnuniyyətini qorumaq.
Vəzifə təlimatına uyğun digər xidməti vəzifələri icra etmək.


Əmək şəraiti və şərtləri:


İş qrafiki: Gündəlik 7 saatdan ibarət 6 günlük iş həftəsi (şənbə yarım gün). İstirahət günü: Bazar. Aylıq iş qrafikində dövlət tərəfindən elan olunan bayram və qeyri-iş günlərinə təsadüf edən iş günləri üçün işçinin arzusu ilə əvəzgün istirahət günü verilir və ya əlavə ödəniş həyata keçirilir.
Əmək haqqı: namizədin təcrübə və səriştəsinə uyğun olaraq müəyyən olunur.
Əsas məzuniyyət hüququ: 30 gün. Əlavə məzuniyyət hüququ: Qanunvericiliyə görə işçiyə düşən digər hüquq və imtiyazlarına uyğun verilir.
Tibbi sığorta təminatı.
Fitnes mərkəzləri şəbəkəsindən istifadə etmək üçün Push30.az xidmətinə qoşula bilmək imkanı.
“Meqa Sığorta” ASC-nin Təlim akademiyasında təlim almaq imkanı.


Müraciət forması: Zəhmət olmasa CV-nizi "Həkim-koordinator" mövzusu ilə qeyd edilmiş elektron poçt ünvanına göndərin. Müsahibəyə vakansiya tələblərinə cavab verən namizədlər dəvət olunur.

Qeyd: Açıq vakansiyalar www.meqasigorta.az saytında VAKANSIYALAR bölməsindədir.